K-pop урсгалд шинэ салхи оруулах технологийн стартап Galaxy Corp IPO хийхээр бэлтгэж байна

🇰🇷 Стартапын тухайд Өмнөд Солонгосын Galaxy Corp гэх стартапыг 2019 онд Чой Ён-хо байгуулсан бөгөөд ирэх 2027 онд багтан дотоодын болон Америкийн хөрөнгийн бирж дээр IPO хийхээр зорьж байна. Ингэснээр гадаадын биржид хувьцаагаа бүртгүүлсэн анхны K-pop агентлаг болно. 🧠 Технологийн давуутай: Тэдний хамгийн том давуу тал нь хүний авьяас чадварт баригдахгүй, цаг ямагт дуулах, бүжиглэх чадвартай AI-ууд болон роботууд аж. Бодит амьдрал дээр хэрхэн бүжиглэдгийг нь харах бол ЭНД дараарай. 🦄 Ганц эвэрт Өнөөг хүртэл компани $150 саяын санхүүжилт татаж, алдарт G-Dragon болон Тайванийн уран бүтээлч Жэй Чоу нарын оролцуулаад нийт 30 орчим хөрөнгө оруулагчтай болжээ. Сонирхуулахад, 2025 оны сүүлээр Galaxy Corp нь ₩100 тэрбумын санхүүжилтийг хөрөнгө оруулагчдаас амжилттай татсан. Ингэснээр компанийн үнэлгээ ₩1 их наяд буюу $679.8 саяын үнэлгээнд хүрч, албан ёсоор unicorn статуст багтсан түүхтэй. 🕺🏻 Супер одын түншлэл 2023 онд G-Dragon 20 жилийн турш хамтарч ажилласан YG Entertainment-с гарч, Galaxy Corp-тай гэрээ байгуулсан. G-Dragon гэрээний урамшуулал болгон Galaxy Corp-с $14.5 саяыг авахдаа тал хувийг нь бэлэн мөнгөөр, үлдсэн талыг нь хувьцаа хэлбэрээр авчээ. Энэ нь компанийн урт хугацааны өсөлтөд итгэлтэй буйгаа илэрхийлсний дохио байв. Тэрээр одоогийн байдлаар Galaxy Corp-н 2% орчмыг эзэмшдэг ба түүнтэй гэрээлснээс хойш компанийн үнэлгээ даруй 2 дахин өсжээ. Эцэст нь… Энэ оны II хагаст Galaxy Corp 4 гишүүнтэй виртуал охидын хамтлагаа анх удаа тайзнаа гаргахаар төлөвлөжээ. Цаашлаад, хөгжим болон клипний тодорхой хэсгийг Suno, Sora зэрэг AI-р бүтээхээр шийдсэн аж. Үүний тусламжтай дунджаар $2 саяар бүтдэг K-pop клипний зардлыг 90-99% хүртэл бууруулах боломжтой гэж үзээд байна.